ప్రాక్టీసులో క్రికెటర్లు

మన సైనా నెం 2

సంచలన బ్యాడ్మింటన్‌ క్రీడాకారిణి సైనా నెహ్వాల్‌ ప్రపంచ ర్యాంకింగ్స్‌లో నెంబర్‌ వన్‌ ర్యాంక్‌ సాధించాలనే ఆకాంక్షను నెరవేర్చుకునేందుకు ఇంకా ఒక్క మెట్టు దూరంలో ఉంది. తాజాగా ప్రకటించిన ఆమె అంతర్జాతీయ ర్యాంక్స్‌ల్లో నెంబర్‌ టు స్థానానికి చేరుకుంది. ప్రపంచ బ్యాడ్మింటన్‌ సమాఖ్య గురువారం నాడు ఈ ర్యాంక్‌లను విడుదల చేసింది. క్రీడల్లో ఏ విభాగంలోనైనా ప్రపంచ నెంబర్‌ టు ర్యాంక్‌ స్థానానికి చేరుకున్న భారత దేశానికి చెందిన క్రీడాకారిణిగా సైనా నెహ్వాల్‌ ఘనత సాధించింది. ఇంతకుముందు కోనేరు హంపి చెస్‌లో ఈ ఘనత సాధించింది. నెంబర్‌ టు ర్యాంక్‌ సాధించడం హర్షణీయమే అయినప్పటికీ ఉన్నత స్థానంలో నిలకడగా రాణిస్తున్న ఫలితమే ఈ ర్యాంక్‌లని సైనా వ్యాఖ్యానించింది. తనపై బాధ్యత మరింత పెరిగిందని పేర్కొంది. ర్యాంక్‌లను నిలబెట్టుకోవడం కష్టమనే విషయం తనకు తెలుసునని, మరిన్ని టైటిల్స్‌ గెలుచుకుని త్వరలోనే నెంబర్‌ వన్‌కు ఎదగగలననే నమ్మకం తనకుందని పేర్కొంది.

ఛేదిస్తే వరల్డ్‌ రికార్డు

ఆస్ట్రేలియా, పాకిస్తాన్‌ మధ్య జరుగుతున్న టెస్టు సిరీస్‌ భాగంగా తొలి మ్యాచ్‌లో పాకిస్తాన్‌ గెలుపొందేందుకు 326 పరుగుల దూరంలో ఉంది. ఆస్ట్రేలియా చేసిన 440 పరుగుల భారీ లక్ష్యాన్ని ఛేదిస్తే వరల్డ్‌ రికార్డు కూడా సొంతం చేసుకుంటుంది. తొలి ఇన్నింగ్స్‌లో 105 పరుగుల ఆధిక్యత సంపాదించిన ఆసీస్‌ రెండో ఇన్నింగ్స్‌లో 334 పరుగులు చేసింది. 1994లో ఆసీస్‌పై ఆంటిగ్వాలో వెస్టిండీస్‌ నాల్గవ ఇన్నింగ్స్‌లో ఏడు వికెట్ల నష్టానికి 418 పరుగులు చేసి విజయం సాధించింది. తొలి ఇన్నింగ్స్‌లో 80 పరుగులు చేసిన సైమన్‌ కటిచ్‌ రెండో ఇన్నింగ్స్‌లోనూ అదే స్థాయిలో ఆడాడు. అయితే ఈ ఇన్నింగ్స్‌ లో కూడా సెంచరీ చేసే అవకాశం చేజార్చుకున్నాడు. ఐదు వికెట్ల నష్టానికి 167 పరుగుల స్కోరుతో గురువారం ఆట ప్రారంభించిన ఆసీస్‌ను ఉమర్‌ గుల్‌ అసిఫ్‌ దెబ్బతీసారు. కటిచ్‌ 83 పరు గులు చేసి ఉమర్‌ గుల్‌ బౌలింగ్‌లో అవు టయ్యాడు. నార్త్‌ 20 పరుగులు చేసి అసిఫ్‌ బౌలింగ్‌లో అక్మన్‌కు క్యాచ్‌ ఇచ్చాడు. స్మిత్‌ అవుటయ్యే సమయానికి ఆసీస్‌ స్కోరు ఎనిమిది వికెట్ల నష్టానికి 208 పరుగులు. ఈ దశలో పెయిన్‌ (47), హిల్ఫెన్హాస్‌ తొమ్మిదో వికెట్‌కు 74 పరుగులు జోడించడంతో ఆసీస్‌ కోలుకుంది. పెయిన్‌ అవుటైన తరువాత కూడా ఆసీస్‌ బ్యాట్స్‌మెన్‌ పాక్‌ బౌలర్లను ప్రతిఘటించారు.

ఇండియా క్రికెట్‌ కెప్టెన్‌ మహేందర్‌ సింగ్‌ ధోనీ పెళ్లి ఫోటోలు